لاہور ( سپورٹس رپورٹر ) اسلام آباد یونائیٹڈ اور حلیب فوڈز کے درمیان سپانسر شپ معاہدہ طے پا گیا، اسلام آباد یونائیٹڈ کے چیف آپریٹنگ آفیسر شعیب نوید نے کہا ہے کہ اسلام آباد یونائیٹڈ پاکستان کرکٹ کو باصلاحیت کرکٹرز دینے کا سلسلہ جاری رکھے گی ۔اسلام آباد یونائیٹڈ اور حلیب فوڈز کے درمیان ایم او یو پر دستخطوں کی تقریب حلیب فوڈز ہیڈ آفس میں ہوئی ۔ پی سی بی اور تمام فرنچائز مالکان کی خواہش ہے کہ جلد سے جلد پی ایس ایل کے تمام میچز پاکستان میں ہوں۔ اسلام آباد یونائیٹڈ نے پاکستان کو شاداب خان ،آصف علی ،حسین طلعت جیسے کھلاڑی دئیے ہیں اور بہت جلد محمد موسی بھی پاکستان کی نمائندگی کرتے دکھائی دیں گے ۔ وقار یونس موسی ٰخان کے ساتھ محنت کررہے ہیںجبکہ ڈین جونز اور دیگر کوچنگ سٹاف کھلاڑیوں کے ساتھ محنت کر رہا ہے ۔حلیب فوڈز کے مارکیٹنگ ہیڈ سمیع عبد القہار کا کہنا تھا کہ ہم ملک میں کھیلوں کے فروغ کے لئے کردار ادا کرتے رہیں گے ۔