دو نامعلوم موٹر سائیکل سواروں کی فائرنگ سے23سالہ نوجوان جاں بحق
لاہو ر(نامہ نگار)شیراکوٹ کے علاقہ میںدوموٹر سائیکل سوار نامعلوم افراد نے اندھا دھند فائرنگ کر کے 23سالہ نوجوان کو موت کے گھاٹ اتار دیا اور فرار ہو گئے ہیں ۔تفصیلات کے مطابق شیراکوٹ کے علاقہ میں 23سالہ بلال موبائل فون کی دوکان چلاتا تھا۔اس کا چند روز قبل مبشرنامی نوجوان کے ساتھ کسی بات پر جھگڑا ہوگیا تھا۔جس پر بلال نے تھانہ اقبال ٹائون میں مقدمہ بھی درج کرایا تھا ۔گزشتہ روز بلال اس جھگڑے میں صلح کے لیے جارہا تھا۔ جب وہ ساٹھ فٹ روڈ کے قریب پہنچا تو دونامعلوم موٹر سائیکل سوار وں نے اس پر اندھا دھند فائرنگ کردی ۔جس سے بلال شدید زخمی ہوگیاجبکہ ملزمان فائرنگ کرتے ہوئے موقع سے فرار ہوگئے ۔بلال کوتشویشناک حالت میں طبی امداد کے لیے مقامی ہسپتال منتقل کردیاگیا ،جہاں وہ زخموں کی تاب نہ لاتے ہوئے دم توڑ گیا ہے ۔
