لاہور (نمائندہ سپورٹس )فٹبال کی دنیا کے مہنگے ترین کھلاڑیوں میں شامل نکولس اینیلکا نے ورلڈ فٹبال سٹارز کے لیے دورہ پاکستان کا اعلان کر دیا۔90 ملین ڈالر کے کھلاڑی نکولس اینیلکا ورلڈ ساکر سٹارز ٹوور کا حصہ ہوں گے، وہ پاکستان میں فٹ بال کے کھیل کو پروان چڑھانے اسلام آباد آ رہے ہیں۔پیرس سینٹ جرمن کے سابق کھلاڑی، لیور پول، چیلسی، مین سٹی اور فرینچ انٹرنیشنل تالیس مین کے رْکن نکولس اینیلکا کا نام ورلڈ فٹ بال سٹارز میں شامل کر لیا گیا۔ وہ 5 مارچ کو اسلام آباد پہنچ رہے ہیں۔پاکستان میں فٹ بال کے کھیل کو دوبارہ سے زندہ کرنے اور پروان چڑھانے کے لیے نکولس اینیلکا کو ورلڈ فٹ بال اسٹارز میں شامل کرنے کا فیصلہ ٹچ سکئی گروپ نے وقت کی اہم ضرورت کو مدنظر رکھتے ہوئے کیا ہے۔نکولس کی پاکستان آمد اور 10 جنوری 2019 کو لاہور اور کراچی میں کاکا، فیگو اور ایکون کی شاندار تقریب رونمائی کے سلسے کی ایک کڑی ہو گی۔اینیلکا نے ورلڈ فٹ بال ستارے کے ساتھ ایک اسٹریٹجک طویل مدتی معاہدے پر دستخط کئے ہیں۔اینیلکا پاکستان فٹ بال فیڈریشن کے نئے صدر سید اشفاق شاہ سے ملاقات کریں گے اور فٹ بال کی ترویج کے 20 نکاتی ایجنڈے پر عمل درآمد کے لیے کام شروع کریں گے۔پاکستان میں فٹ بال کے لاکھوں شائقین کے خوابوں کو حقیقت کا روپ ملنے میں اب زیادہ دیر نہیں، جب شائقین بین الاقوامی کھلاڑیوں کو پاکستان کی سرزمین پر آکر نہ صرف نمائشی میچ کھیلتا دیکھیں گے بلکہ فٹ بال کو ایک نئی زندگی ملے گی جس سے پاکستان کو حقیقی معنوں میں ٹھوس نتائج حاصل ہوں گے۔اینیلکا کا ماہرانہ تجربہ اْن کے جارحانہ کوچنگ اسٹائل پر مبنی ہے، اپنی یہ خدمات وہ حال ہی میں فرانس لیگ ون میں لٹل او ایس سی یوتھ کو پیش کر چْکے ہیں۔یہ دورہ پی ایف ایف کے لیے تکنیکی تفہیم بڑھانے میں مدد کے لیے ٹچ سکئی گروپ - ورلڈ ساکر اسٹارز کی پارٹنرشپ سے ڈیزائن کیا گیا ہے۔نکولس نے کہا کہ میری شرکت سے پاکستان میں فٹ بال کو فروغ دینے میں مدد ملے گی اور اسلام قبول کرنے کے بعد میرا پاکستان کے ساتھ خاص تعلق ہے۔ میرا ورلڈ فٹ بال اسٹار ٹور کے ساتھ ایک خاص رشتہ ہے، مجھے یقین ہے کہ لاہور اور کراچی میں 26 سے 29 اپریل تک کا میرا ٹوور اپنی نوعیت کا اہم ٹوور ثابت ہوگا اور میں اپنے پرستاروں کو محظوظ کرنے کا منتظر ہوں۔