لاہور (نمائندہ سپورٹس )پشاور زلمی اور قومی ٹیم کے مایہ ناز فاسٹ باولر حسن علی نے بلے بازوں کو چیلنج دیا ہے کہ وہ پہلی گیند سے ہی ان کی وکٹ حاصل کرنے کی کوشش کریں گے۔ انکا کہنا تھا کہ ان کا پہلا کام اپنی ٹیم کے لیے جلد ا ز جلد وکٹیں حاصل کرنا ہوتاہے،وہ یہ مانتے ہیں کہ ٹیم کو عمدہ آغاز فراہم کرنے کا دارومدار ان پر ہوتا ہے اوراسی لیے وہ اپنی پہلی گیند سے ہی مخالف بلے بازوں کی وکٹ لینے کی کوشش کرتے ہیں ۔،رواں سال پاکستان سپر لیگ کے دوران حسن علی نے تین مرتبہ اپنے پہلے ہی اوور میں وکٹ حاصل کی ہے اور فاسٹ باولر اپنی فارم اور فٹنس سے پور ی طرح مطمئن ہیں۔ ان کی حالیہ فار م کافی اچھی ہے اور وہ اگلی اسائنمنٹس کے لیے اپنی فارم اور ردھم کو برقرار رکھنے کی کوشش کررہے ہیں جن میں ورلڈ کپ سب سے اہم ہے۔ ہم ایک ٹیم کی طرح جیتتے ہیں اور ایک ٹیم کی طرح ہی ہارتے ہیں۔