لاہور ( سپورٹس رپورٹر)قومی ہاکی ٹیم کے نوجوان کھلاڑی ابوبکر محمود نے ایشین رائزنگ پلئیر آف دی ائیر 2018کا ایوارڈ جیت لیا ،ایشین ہاکی فیڈریشن کے اجلاس میں 2018میں ایشین ہاکی کے لئے ایوارڈ کا اعلان کیا گیا ۔سال بھر ایشین اور بین الاقوامی ہاکی میں مسلسل عمدہ کارکردگی دکھانے پر فیصل آباد سے تعلق رکھنے والے ابوبکر محمود کو سال 2018کا ایشین رائزنگ پلئیر آف دی ائیر کا ایوارڈ دیا گیا ،ابوبکر محمود جوکہ ان دنوں لیگ ہاکی کے کھیلنے کے لئے روس میں ہیںنے یہ ایوارڈ ملنے پر خوشی کا اظہار کیاہے ۔ایشین ہاکی فیڈریشن کے اجلاس میں ہاکی ڈیویلپمنٹ کے لئے مسلسل کام کرنے پر پاکستان کے غلام غوث کو بہترین کارکردگی کا ایوارڈ دیا گیا۔