لاہور(سپورٹس رپورٹر+نمائندہ سپورٹس)پاکستان سپر لیگ کے 23ویں میچ میں کوئٹہ گلیڈی ایٹر نے پشاور زلمی کو باآسانی آٹھ وکٹوں سے ہرا دیا۔ نے کوئٹہ گلیڈی ایٹرز کو جیت کے لیے 166 رنز کا ہدف دے دیا۔ سرفراز احمد نے ایک مرتبہ پھر ٹاس جیت کر پہلے باؤلنگ کرنے کا فیصلہ کیا۔پشاور زلمی کی جانب سے‘آندرے فلیچر 26‘امام الحق 46‘ کامران اکمل نے72 رنز بنائے ‘کیرون پولارڈ نے 21 گیندوں پر ایک چھکے اور 7 چوکوں کی مدد سے 44 رنز بنا کر ٹیم کو 165 تک پہنچادیا۔کوئٹہ کی ٹیم نے ہدف اٹھارویں اوور میں دو وکٹوں پر حاصل کرلیا ۔ فاتح ٹیم کی جانب سے احمد شہزاد50رنزپر آؤٹ ہوئے،واٹسن نے ناقابل شکست 91رنزبنائے۔اس جیت کے ساتھ ہی کوئٹہ پوائنٹس ٹیبل پر سرفہرست آگئی۔دوسرے میچ میں کراچی کنگز نے ملتان سلطانز کوپانچ وکٹوں سے ہرادیا۔سلطانز نے کراچی کنگز کو جیت کے لیے 119 رنز کا ہدف دیا ہے۔ملتان سلطانز کی جانب سے چارلس 7‘شعیب ملک 26‘حماد اعظم 29 ‘ گرین 18 اور جیمز ونس نے 16 رنز جوڑے۔مقررہ 20 اوورز میں ملتان سلطانز کی ٹیم 7 وکٹوں کے نقصان پر 118 رنز بنا سکی۔کراچی کنگز کی جانب سے عثمان شنواری نے شاندار بولنگ کا مظاہرہ کرتے ہوئے 4 اوورز میں 15 رنز دیکر 4 کھلاڑیوں کو آؤٹ کیا۔جواب میں کراچی کنگز کی ٹیم نے ہدف چار بال قبل حاصل کرلیا ۔لیونگسٹن 52رنز بنا کرناقابل شکست رہیْ۔