لاہور ( نمائندہ خصوصی)سی سی پی او لاہور بی اے ناصر نے شہید احمد مبین پولیس لائنز مناواں کا دورہ کیا، اس موقع پر تمام سرکل افسران اور پولیس لائنز سٹاف نے بھی شرکت کی،سی ٹی او نے سی سی پی او بی اے ناصر کو شہید احمد مبین پولیس لائنز کے متعلق بریفنگ دی،کیپٹن(ر)لیاقت علی ملک نے نئی تیار ہونے والے گاڑیوں اور موٹرسائیکلوں کا معائنہ کروایا،سی سی پی او لاہورنے ڈرائیونگ لائسنسنگ ٹیسٹ کے طریقہ کار کا بھی جائزہ لیا،انہوں نے ڈرائیونگ لائسنس کیلئے آنے والے شہریوں سے ٹریفک پولیس کے عملہ کے رویے اورانتظامات بارے استفسار کیا، سی سی پی او لاہور کو ایم ٹی سیکشن، وارڈنز ہاسٹل، کینٹین اور جم کا وزٹ کروایا گیا،سی سی پی او لاہور بی اے ناصر نے شہید احمد مبین لائنز میں شہریوں اور فورس کیلئے کئے جانے والے اقدامات کو سراہا،سی ٹی او کیپٹن(ر)لیاقت علی ملک کا کہناتھا کہ شہید احمد مبین ٹریفک پولیس لائن میں فورس کی سہولت اور آسانی کیلئے تمام تر سہولیات فراہم کی گئیں ہیں۔