راولپنڈی (صباح نیوز) وزیر ریلوے شیخ رشید کا کہنا ہے کہ عمران خان کی حکومت کو نیب زدہ لوگوں سے کوئی خطرہ نہیں۔ راولپنڈی میں میڈیا سے گفتگو میں شیخ رشید کا کہنا تھا کہ 1700 کلو میٹر ٹریک پر نئی پٹڑی ڈال رہے ہیں جب کہ نالہ لئی ہمارا اہم پروجیکٹ ہے جس کا ڈیزائن بھی منتخب کرلیا گیا ہے۔ نالہ لئی بہت بڑا پروجیکٹ ہے جو شہر کا نقشہ بدل دے گا، پروجیکٹ کا افتتاح وزیراعظم عمران خان کریں گے۔ نوازشریف کا علاج لال حویلی میں ہے، شہباز شریف کنگ سائز لوٹے ہیں اور وکٹ کے دونوں جانب کھیلتے ہیں جب کہ بلاول نواز شریف سے راستہ پوچھنے جیل گئے تھے۔