غیر ملکی کرکٹرزکرس جورڈن اور الیکس ہیلز کراچی پہنچ گئے
لاہور (سپورٹس رپورٹر+ نمائندہ سپورٹس )پاکستان سپر لیگ کے میچز کھیلنے کیلیے برطانوی کھلاڑی کرس جورڈن اور الیکس ہیلز بھی کراچی پہنچ گئے۔پاکستان سپر لیگ کے کراچی میں ہونے والے میچز کھیلنے کے لیے انگلش کرکٹر کرس جورڈن اور الیکس ہیلز بھی کراچی پہنچ گئے، دونوں ویسٹ انڈیز کے خلاف سیریز کے لیے انگلینڈ کے سکواڈ میں منتخب ہونے کے بعد یو اے ای سے روانہ ہوگئے تھے، قومی ذمہ داریوں سے فراغت کے بعد اب انہوں نے دوبارہ پی ایس ایل کیلئے خدمات پیش کردی ہیں۔کرس جورڈن پشاور زلمی کے سکواڈ کا حصہ ہیں جبکہ ایلکس ہیلز اسلام آباد یونائیٹڈ کی ٹیم میں شامل ہیں۔
