لاگوس(آئی این پی/شِنہوا)نائیجیریا کے تجارتی مرکز لاگوس میں ایک سکول اور چند اپارٹمنٹس کی عمارتیں گرنے کے باعث 9افراد ہلاک اور کئی زخمی ہوگئے۔ملبے سے 9افراد کی نعشیں نکالی جاچکی ہیں۔ تین منزلہ سکول میں 172طلباء زیر تعلیم تھے۔ایمرجنسی انتظامیہ نے بتایا ہے کہ فی الحال ہلاکتوں کی صحیح تعداد بتانا مشکل ہے کیونکہ کئی افراد ملبے تلے ہوسکتے ہیں۔ متاثرہ افراد میں میں نجی سکول کے زیادہ تر طلباء شامل ہیں۔50طلباء کو زندہ نکال لیا گیا ہے۔جبکہ زخمی ہونے والے افراد کو ہسپتال منتقل کردیا گیا ہے۔41طلباء کی حالت خطرے سے باہر بتائی جاتی ہے۔سکول کی خستہ حالت کے پیش نظر اسے تین بار گرانے کا نوٹس دیا گیا تھا۔ لیکن انتظامیہ نے کوئی توجہ نہیں دی تھی۔حادثے کے وقت طلباء سکول میں تعلیم حاصل کررہے تھے۔