لاہور (سپورٹس رپورٹر+ نمائندہ سپورٹس)کوئٹہ گلیڈی ایٹرز کے کپتان سرفراز احمد نے کہا کہ اپنے شہر میں اپنے مداحوں کے درمیان کھیل کر بہت لطف آرہا ہے۔پی ایس ایل فور کے فائنل میں رسائی پانے والی ٹیم کے کپتان نے کہا کہ پشاور زلمی کے خلاف کامیابی ٹیم ورک کا نتیجہ ہے۔ شین واٹسن نے عمدہ جارحانہ اننگ کھیل کی جیت میں کلیدی کردار ادا کیا،ٹائٹل جیتنے کے لیے بہت پر امید ہیں۔ ہماری ٹیم پورے ایونٹ میں اچھاکھیلی ہے،اپنے شہر میں اپنے مداحوں کے درمیان کھیل کر بہت لطف آرہا ہے۔ کوئٹہ گلیڈی ایٹرز کے منیجراعظم خان کے مطابق دوران میچ کیچ لیتے ہوئے گیند لگنے سے زخمی ہونے والے ٹیم کے کھلاڑی فواد احمد اپنے دانت سے محروم ہوگئے، آج نجی سپتال میں ان کی سرجری ہوگی۔