رائیونڈ(نامہ نگار) رائیونڈ سالانہ پانچ روزہ تبلیغی جوڑ اجتماعی دعا کے ساتھ اختتام پزید ہوگیا، اختتام دعا مولاناابراھیم آف انڈیا نے کروائی، 3 لاکھ افراد نے شرکت ملک بھر سے آئے ہوئے افراد اپنے اپنے علاقوں کو واپس چلے گئے، مولانا خورشید کی جانب سے تبلغی جوڑ میں شامل ہونے والے افراد کو خصوصی ہدایات بھی جاری کی گئی ہیں، دعا کے وقت ہر آنکھ اشک بار تھی، موٹر وے پر بھی غیر معمولی رش دیکھا گیا۔ریلوے انتظامیہ لاہور ڈویژن نے اپنی شاندار روایت کو برقرار رکھتے ہوئے رائیونڈ تبلیغی اجتماع کے شرکا اور مبلغینِ اسلام کی سہولت کے پیش نظر رائیونڈ ریلوے سٹیشن پر اضافی عملہ تعینات کرنے کے ساتھ ساتھ خاطرخواہ اقدامات کیے۔ تفصیلات کے مطابق رائیونڈ تبلیغی اجتماع پر آنے والے شرکا کو ملک کے مختلف شہروں میں باسہولت بھیجنے اور مسافروں کی ہمہ وقت رہنمائی کیلئے ڈویژنل سپرنٹنڈنٹ ریلوے لاہور عامر نثار چوہدری کی ہدایت پر ڈویژنل کمرشل آفیسر غلام فرید اسد نے 7 بکنگ کلرک، ایک پارسل کلرک، 4 ٹکٹ کلیکٹرز کے علاوہ 5 سویپر اضافی تعینات کردیئے تاکہ اضافی رش کے موقع پر مسافروں کی رہنمائی کو یقینی بنایا جاسکے۔مسافروں کی رہنمائی کیلئے ٹکٹ کلیکٹرز کو خصوصی ڈیوٹیاں دی گئیں۔ زرائع کے مطابق ریلوے انتظامیہ نے اضافی رش کو باآسانی اپنی اپنی منزلِ مقصود پر پہنچانے کیلئے شیڈول کی ٹرینوں کے علاوہ پشاور سے کراچی کے درمیان چلنے والی رحمان بابا (48 ڈاون) اور لاہور سے کراچی کے درمیان چلنے والی شاہ حسین (44 ڈاون) ٹرینوں کو براستہ فیصل آباد کی بجائے براستہ رائیونڈ سے کراچی بھیجا گیا۔ یاد رہے ڈویژل کمرشل آفیسر لاہور نے اپنے کمرشل انسپیکٹر فیصل بلوچ کے ہمراہ رائیونڈ ریلوے سٹیشن پر تبلیغی اجتماع کے پیشِ نظر کیے گئے انتظامات کی خود نگرانی کی۔