لاہور ڈویژن ہاکی ٹیم کی سلیکشن کمیٹی کا اعلان
لاہور(سپورٹس رپورٹر) پنجاب ہاکی ایسوسی ایشن نے رواں ماہ لاہور میں منعقد ہونے والے پنجاب گیمز میں لاہور ڈویژن ہاکی ٹیم کے انتخاب کے لیے پانچ رکنی سلیکشن کمیٹی کا اعلان کر دیا ہے۔ لاہور ڈویژن ہاکی ٹیم کے انتخاب کے لیے ایک روزہ ٹرائلز کا انعقاد آج نیشنل ہاکی سٹیڈیم لاہور میں ہوگا۔ پنجاب ہاکی ایسوسی ایشن کی جانب سے جاری ہونے والے اعلامیے کے مطابق لاہور ڈویژن ہاکی ٹیم کے انتخاب کیلئے پانچ رکنی سلیکشن کمیٹی کا اعلان کیا گیا ہے۔ کمیٹی میں قاسم خان، حسن اختر، حافظ ارشد، محمد یعقوب اور رانا ظہیر احمد شامل ہیں۔
