حوثی باغیوں نے سربراہ اقوام متحدہ کمشن کو راس عیسیٰ کے دورے سے روک دیا
صنعاء (این این آئی)یمن کے حوثی باغیوں نے الحدیدہ شہر میں جنگ بندی کی مانیٹرنگ کے لیے قائم کی گئی کمیٹی کے سربراہ جنرل مائیکل لولیسگارڈ کو مغربی علاقے راس عیسیٰ کی بندرگاہ کے دورے سے روک دیا۔ سویڈن میں حکومتی مذاکراتی کمیٹی کے رکن عسکر زعیل نے بتایا کہ حوثی ملیشیا نے اقوام متحدہ کی جنگ بندی کی نگران کمیٹی کے سربراہ کو راس عیسٰی بندرگاہ کے مطالعاتی دورے سے روک دیا۔یمنی وزیر محمد عسکر نے حوثیوں پر الحدیدہ میں جنگ بندی معاہدے میں رکاوٹیں ڈالنے کا الزام عائد کیا۔
