لاہور (نمائندہ سپورٹس+سپورٹس رپورٹر + نوائے وقت رپورٹ) پاکستان کرکٹ ٹیم کے کپتان سرفراز احمد نے کہا ہے کہ پاکستان سپر لیگ سے بہت اچھا ٹیلنٹ ملا ہے جو کوالٹی آف کرکٹ پاکستان میں دیکھنے کو ملی اس سے فائدہ ہوگا۔ نجی ٹی وی سے گفتگو کرتے ہوئے انہوںنے کہا کہ جس طرح کراچی اور لاہور کے لوگوں نے رسپانس کیا وہ شاندار ہے۔ حسنین اچھا ٹیلنٹ ہے عمر اور حارث اچھے کھلاڑی ہیں۔ پی ایس ایل 5 پاکستان میں ہونے سے پاکستان کا امیج بہتر ہو گا اور لوگوں کو کرکٹ دیکھنے کو ملے گی۔ انشاء اﷲ ورلڈ کپ جیتنے کی پوری کوشش کریں گے۔ ہم ورلڈ کپ کیلئے بھرپور انداز میں تیاری کر رہے ہیں۔ پی ایس ایل میں بہترین سیکورٹی اور شاندار انتظامات پر سب کا شکریہ ادا کرتا ہوں۔