گھوٹکی (صباح نیوز) گھوٹکی میں گڑنگی کے علاقے سے چار افراد کی نعشیں ملی ہیں جنہیں سرمیں گولیاں مار کر قتل کیا گیا ہے۔ پولیس نے موقع پر پہنچ کر نعشیں تحویل میں لے لیں۔ گھوٹکی کے قریب قومی شاہراہ کے پل کے نیچے اہل علاقہ نے چار افراد کی نعشیں دیکھیں اور پولیس کو اطلاع دی۔ پولیس کے مطابق چاروں افراد کو سروں میں گولیاں مار کر قتل کیا گیا جن کی شناخت بیت اللہ‘ عبدالرﺅف‘ حفیظ اللہ اور قاری جہانگیر کے ناموں سے ہوئی ہے۔ چاروں افراد کا تعلق ڈیرہ اسماعیل خان سے بتایا گیا ہے۔ پولیس نے نعشیں تحویل میں لیکر تحقیقات شروع کر دیں۔