فیروز والہ (نامہ نگار) لاہور نارووال روڈ پر تیز رفتار ڈمپر نے موٹرسائیکل سوار دو بھائیوں سمیت تین افراد کو روند ڈالا جس کے نتیجہ میں دو سگے بھائی رضوان احمد اور طلحہ جاں بحق جبکہ ان کی والدہ شدید زخمی ہو گئی جسے طبی امداد کیلئے ہسپتال داخل کرا دیا گیا بتایا گیا ہے کہ نارووال کے رہائشی محمد عباس کے دو بیٹے رضوان احمد 4 سالہ اور طلحہ 9 سال اپنی والدہ ریحانہ بی بی کے ہمراہ موٹرسائیکل پر سوار ہوکر اپنے رشتہ دار کو ملنے کیلئے لاہور کی طرف آ رہے تھے کوٹ عبداللہ کے قریب محکہ جنگلات کا آئل ٹینکر پودوں کو پانی لگا رہا تھا جو موٹرسائیکل سے ٹکرا گیا جس سے دونوں سگے بھائی موقع پر ہلاک جبکہ ان کی والدہ زخمی ہو گئی حادثہ کی اطلاع ملتے ہی ان کے گھر کہرام مچ گیا نارنگ پولیس نے جاں بحق بھائیوں کی نعشیں قبضہ میں لیکر ضروری کارروائی کے بعد ورثاء کے حوالے کر دیں پولیس نے واقعہ کی رپورٹ درج کر لی۔