کابل(نیوز ڈیسک)افغانستان کے معروف میوزک ریئلٹی شو ’افغان سٹار‘ کا مقابلہ پہلی بار ایک خاتون نے جیت کر نئی رقم تاریخ کردی۔’افغان اسٹار‘ افغانستان کے ’طولو ٹی وی‘ پر نشر ہوتا ہے، جو ملک کا سب سے بڑا اور معروف میوزک ریئلٹی شو ہے۔پہلی بار افغانستان کی 20 سالہ زہرا الہام نے ’افغان اسٹار‘ کا مقابلہ جیت کر نئی تاریخ رقم کردی۔’افغان اسٹار‘ کے آخری مراحل میں زہرا الہام سمیت 2 خواتین فائنل ہوئی تھیں اور ان کے مقابلے فائنل ہونے والے لڑکوں کی تعداد 4 سے زائد تھی۔’افغان اسٹار‘ کے آخری تین مقابلوں میں صرف زہرا الہام ہی واحد خاتون تھیں اور فائنل میں انہوں نے مرد گلوکار کو پیچھے چھوڑ کر پہلی بار ایوارڈ جیت لیا۔