سرگودھا: آسمانی بجلی گرنے سے زمیندار جاںبحق
ساہیوال/ سرگودھا (نمائندہ خصوصی ) تحصیل ساہیوال کے نواحی گائوں موضع چانڈیا کا رہائشی ممتاز خان بلوچ آسمانی بجلی گرنے سے موقع پر جاں بحق ہو گیا۔ تفصیلات کے مطابق گزشتہ روز تحصیل ساہیوال کے نواحی گائوں موضع چانڈیا کا رہائشی زمیندار سردار محمد ممتاز خان بلوچ جانوروں کو چارہ ڈال رہا ہے کہ آسمانی بجلی ان کے ڈیرہ پر گری جس کے نتیجہ میں وہ موقع پر ہی جاں بحق ہو گیا۔
