لاہور (سپورٹس رپورٹر) پاکستان ڈیف کرکٹ ایسوسی ایشن کے زیر اہتمام نیشنل ٹی ٹونٹی ڈیف کرکٹ چیمپیئن شپ شروع ہو گئی۔ لاہور کے دو مختلف گراونڈ میں کھیلے جانے والے میچز میں سیالکوٹ، فیصل آباد، جھنگ، بہاولپور اور کراچی کی ٹیموں نے اپنی اپنی حریف ٹآیموں کو شکست سے دوچار کر دیا۔ تفصیلات کے مطابق ٹاون شپ وائٹس گراونڈ میں کھیلے جانے والے میچ میں بہاولپور نے شیخوپورہ ٹیم کو 6 وکٹوں سے مات دی۔ شیخوپورہ ٹیم نے پہلے کھیلتے ہوئے 8 وکٹوں پر 141 رنز بنائے جواب میں بہاولپور ٹیم نے مطلوبہ ہدف چار وکٹوں کے نقصان پر 144 رنز بنا کر میچ چھ وکٹوں سے جیت لیا۔ دوسرے میچ میں فیبصل آباد ٹیم نے گوجرانوالہ ٹیم کو 85 رنز سے مات دی۔ اس میچ میں فیصل آباد نے پہلے کھیلتے ہوئے 160 رنز سکور کیے جواب میں گوجرانوالہ ٹیم 75 رنز بنا کر آوٹ ہو گئی۔ تیسرے میچ میں سیالکوٹ نے نارووال ٹیم کے خلاف 36 رنز سے کامیابی حاصل کی۔ اس میچ میں سیالکوٹ ٹیم نے 159 رنز بنائے جواب میں نارووال ٹیم 123 رنز بنا کر آوٹ ہو گئی۔ چوتھے میچ میں کراچی نے چکوال ٹیم کو 34 رنز سے مات دیدی۔ اس میچ میں کراچی نے پہلے کھیلتے ہوئے تمام وکٹوں کے نقصان پر 149 رنز بنائے جواب میں چکوال کی پوری ٹیم 115 رنز بنا کر آوٹ ہو گئی۔ پانچویں میچ میں جھنگ نے راولپنڈی کو 4 وکٹوں سے ہرا دیا۔ اس میچ میں راولپنڈی ٹیم نے پہلے کھیلتے ہوئے 118 رنز بنائے۔ جواب میں جھنگ ٹیم نے چھ وکٹوں پر مطلوبہ ہدف حاصل کر لیا۔