لاہور(سپورٹس رپورٹر+نمائندہ سپورٹس)یورو کپ کوالیفائر میں ورلڈ کپ دو ہزار اٹھارہ کی فائنلسٹ کروشیا کو ہنگری نے دو ایک سے شکست دے دی۔ دوسری جانب سابق ورلڈ چیمپیئن جرمنی نے ہالینڈ کو دو کے مقابلے میں تین گولز سے ہرایا۔یورو کپ کوالیفائر میں بڑا اپ سیٹ سامنے آگیا۔ ورلڈ کپ دو ہزاراٹھارہ کی فائنلسٹ کروشیا کو ہنگری نے ہرادیا۔ کروشیا کے اینٹی ریبک نے گول کر کے ہنگری کے خلاف کھاتا تو کھولا مگر کروشیا کے کھلاڑیوں کا جادو زیادہ نہ چل سکا۔ایڈم سزالائی اور میٹ نے گول داغ کر ہنگری کو فتح دلا دی۔ دوسرے میچ میں سابق ورلڈ چیمپیئن جرمنی اورہالینڈ میں جوڑ پڑا، جہاں جرمنی نے پہلے ہاف میں دو صفر کی برتری بنائی۔ہالینڈ کے ڈی لگٹ اور میمفس نے گول کرکے میچ برابر کیا۔ جرمنی کے نیکو نے میچ میں فیصلہ کن گول اسکور کیا