سپرٹی ٹونٹی کرکٹ لیگ میں رشک کشمیر کلب کامیاب
لاہور (سپورٹس رپورٹر)لاہور سپر ٹی ٹونٹی کرکٹ لیگ میںرشک کشمیر کی کامیابیوں اور ففتھ جنریشن کی ناکامیوں کا سلسلہ جاری و ساری ہے ،رشک کشمیر نے ففتھ جنریشن کوچاروکٹوں سے شکست دے کر پلے آف مرحلے تک رسائی کو یقینی بنالیا ،ایل سی سی اے گرائونڈ پر پہلے کھیلتے ہوئے ففتھ جنریشن کی ٹیم 138رنز بناکر آئوٹ ہو گئی،رضاعلی ڈار 76اور رضوان حسین 21رنز بناکر نمایاں رہے ۔رشک کشمیر کے آصف علی نے چار اور بلاول اقبال نے دوکھلاڑیوں کو آئوٹ کیا۔جواب میں رشک کشمیر نے چھ وکٹوں پر 142رنز بناکر میچ میں کامیابی حاصل کرلی ۔طیب طاہر 45،کاشف صدیق 28اور محمد وقاص 25رنز بناکر نمایاں رہے ۔ففتھ جنریشن کے عمران خالد نے تین اور رضاعلی ڈار نے دوکھلاڑیوں کوآئوٹ کیا ۔
