لاہور (سپورٹس رپورٹر)اوکاڑہ سینئر نے نویں ویٹرن ٹی ٹونٹی کرکٹ ٹورنامنٹ کے سپر سکس مرحلے کے پہلے میچ میںمیزبان عامر کیبلز کو پانچ وکٹوں سے شکست دے دی ۔اوکاڑہ سینئرز کے محمد حفیظ مرد میدان قرارپائے ،،شاہ فیصل کرکٹ گرائونڈ پر عامر کیبلز پہلے کھیلتے ہوئے 179رنز بناکر آئوٹ ہو گئی ،رضوان اسلم 55،افضل شاہ 35اور احمد شہاب 29رنز بناکر نمایاں رہے ۔اوکاڑہ سینئرز کے محمد انیس نے تین اور حافظ خالد نے دوکھلاڑیوں کوآئوٹ کیا ۔جواب میں اوکاڑہ سینئرز نے 19ویں اوور میں پانچ وکٹوں کے نقصان پر 181رنز بناکر میچ میںکامیابی حاصل کرلی ۔محمد حفیظ 92رنز بناکر ناٹ آئوٹ رہے ۔محمد عرفان 36اور محمد ارشد 23رنز بناکر نمایاں رہے ۔عامر کیبلز کے وقاص احمد نے دو کھلاڑیوں کوآئوٹ کیا ۔اوکاڑہ سینئر ز کے محمد حفیظ کو ذمہ دارانہ بلے بازی پر مین آف دی میچ قراردیا گیا ۔