لاہور(سپورٹس رپورٹر+نمائندہ سپورٹس )ڈائریکٹر جنرل سپورٹس پنجاب ندیم سرور نے کہا ہے کہ 72 ویں پنجاب گیمز 2019ء کیلئے کھیلوںکے مقامات کو حتمی شکل دیدی گئی ہے، کھیلوں کے ویونیوزپرمقابلوں کے لئے تیاریاں مکمل کرلی گئی ہیں۔ انہوں نے کہا کہ کھلاڑیوں کو مقابلوں کے لئے جدید سہولتیں فراہم کی جائیں گی،72 ویں پنجاب گیمز 2019ء میں نوجوان جوش و جذبہ سے حصہ لے رہے ہیں، سپورٹس شائقین مقابلوں سے لطف اندوز ہوںگے، اتھلیٹکس (بوائز،گرلز)، اتھلیٹکس(سپیشل چلڈرن)، سائیکلنگ (سپیشل چلڈرن)، پینٹاتھلون(بوائز)، باڈی بلڈنگ(بوائز)، کبڈی(بوائز)کے مقابلے پنجاب سٹیڈیم، کک باکسنگ(بوائز)، باکسنگ(بوائز)، ویٹ لفٹنگ (بوائز) کے پنجاب سٹیڈیم کے باہر رنگ میں، کراٹے (بوائز)، والی بال (بوائز)، ٹیبل ٹینس(گرلز)، بیڈ منٹن (گرلز)کے جمنیزیم ہال، ہاکی (بوائز) کے نیشنل ہاکی سٹیڈیم اور منی ہاکی سٹیڈیم، ٹینس (بوائز) کے پنجاب انٹرنیشنل ٹینس سٹیڈیم، آرچری(بوائز) کے پنجاب آرچری کلب، سائیکلنگ (بوائز) کے سائیکلنگ ویلوڈروم، سوئمنگ (بوائز) کے پنجاب انٹرنیشنل سوئمنگ کمپلیکس، بیس بال (بوائز)کے بیس بال سٹیڈیم بحریہ ٹائون، فٹ بال (بوائز)کے ماڈل ٹائون فٹ بال گرائونڈ، جمناسٹک (بوائز) کے گورنمنٹ اسلامیہ کالج سول لائنز، رولر سپورٹس (بوائز) پی ایچ اے سپورٹس کمپلیکس نیازی چوک، سکواش (بوائز) پنجاب سکواش کمپلیکس ڈیوس روڈ، ریسلنگ (بوائز) پنجاب گروپ آف کالجز مسلم ٹائون جبکہ باسکٹ بال(گرلز) ، والی بال(گرلز) اورہینڈ بال(گرلز) کے گورنمنٹ پوسٹ گریجوایٹ کالج فار وومن ٹائون شپ ، تائی کوانڈو(گرلز)اور ووشو (گرلز) کے مقابلے پی ایس بی کوچنگ سنٹر میں ہوں گے۔