بیج کی فروخت میں اضافہ بڑی کامیابی ہے: وحید اختر
لاہور (پ ر) پنجاب سیڈ کارپوریشن کے منیجنگ ڈائریکٹر وحید اختر انصاری نے کہا ہے کہ کسانوں کے بھرپور اعتماد کے باعث بیجوں کی فروخت کے ٹارگٹ میں اضافہ کیا گیا ہے جو بڑی کامیابی ہے۔ ان خیالات کا اظہار انہوں نے پنجاب سیڈ کارپوریشن کے ہیڈکوارٹر میں اعلیٰ سطحی جائزہ اجلاس میں خطاب کرتے ہوئے کیا۔ اجلاس میں ڈائریکٹر مارکیٹنگ ملک محمد الیاس، ڈائریکٹر پروکیورمنٹ ملک محمد امتیاز، ڈائریکٹر فنانس طارق محمود، ڈائریکٹر پبلک ریلیشنز شاہد قادری، ڈائریکٹر (ایڈمن) رانا رفعت جاوید سمیت دیگر نے شرکت کی۔
