فیکٹری ایریا کے علاقے میں 55 سالہ خاتون ٹیچرپراسرار طور پرجاں بحق
لاہور(نامہ نگار) فیکٹری ایریا کے علاقے میں 55 سالہ خاتون ٹیچر پراسرار طور پر ہلاک ہو گئی ہے ۔بتایاجاتاہے کہ فیکٹری ایریا کے علاقے فاروق کالونی میں55 سالہ بیوہ جہان بیگم عرف مونا رہائش پذیر تھی اورگھر کے سامنے واقع پرائیوٹ سکول میں بچوں کوپڑھاتی تھی۔ گزشتہ روزسکول نہ پہنچنے پرسکول انتظامیہ کوتشویش لاحق ہوئی۔جس پر انہوں نے سیکورٹی گارڈکوٹیچرکے گھربھیجا ۔جب وہ جہان بیگم کے کمرے میں داخل تو دیکھا کہ جہان بیگم بیڈ پر مردہ حالت میں پڑی ہے ۔پولیس کے مطابق بظاہر متوفیہ کی موت طبعی معلوم ہوتی ہے، تاہم اصل حقائق پوسٹ مارٹم رپورٹ کے بعدسامنے آئیںگے۔
