عمران خان آج کوئٹہ ‘گوادر اور کراچی کا دورہ کریں گے
اسلام آباد (این این آئی)وزیراعظم عمران خان (آج) جمعہ کو کوئٹہ ، گوادر اور کراچی کا دورہ کریں گے۔ذرائع کے مطابق وزیراعظم کوئٹہ میں پارٹی رہنماوں اور اتحادی جماعتوں سے ملاقاتیں کریں گے۔ ذرائع نے بتایا کہ وزیراعظم عمران خان کوئٹہ سے گوادر جائیں گے، وزیراعظم کو ایئرپورٹ کی تعمیر، دیگر منصوبوں پر بریفنگ دی جائیگی۔ ذرائع کے مطابق گوادر کے بعد وزیراعظم کراچی کا دورہ کریں گے۔ذرائع نے بتایا کہ کراچی میں سرماریہ کاروں، پارٹی رہنماوں سے بھی ملاقات کریں گے، وزیراعظم گورنر سندھ سے بھی ملاقات کریں گے۔ذرائع نے بتایاکہ وزیراعظم گھوٹکی میں ظہرانے میں بھی شرکت کریں گے،گھوٹکی میں وزیراعظم خطاب بھی کریں گے۔
