لاہور+ساہیوال( این این آئی+نمائندہ نوائے وقت )خبردار، ہوشیار.... آج یکم اپریل ہے، بے وقوف بننے سے بچیں۔ اپریل فول جسے جھوٹ کا سہارا لے کردوسروں کو بیوقوف بنا کر ہنسی مذاق اڑانے کے طور پرجانا جاتا ہے، یہ خالصتاً ایک مغربی تہوار ہے جس کی تاریخ بارے متضاد آراپائی جاتی ہیں۔ رپورٹ کے مطابق ان میں سے ایک رائے یہ بھی ہے کہ1582میں فرانس کے بادشاہ چارلس چہارم نے کیلنڈر کو ازسرنو مرتب کرنے کی ٹھانی اور فرانس میں جارجیا کے کیلنڈر کو متعارف کرانا چاہا، فرانس میں سال کا پہلا ہفتہ 25 مارچ سے یکم اپریل تک منایاجاتا تھا لیکن بادشاہ نے جارجیا کی طرح یہاں بھی سال کا آغاز یکم جنوری سے شروع کرنے کا اعلان کیا۔ اس طرح بادشاہ کے اعلان کے باوجود بہت سے فرانسیسیوں نے سابق کیلنڈر کے مطابق یکم اپریل کو ہی نئے سال کا جشن منایا، فرانس میں ان لوگوں کو فول کے نام سے پکارا جانے لگا۔عوام آج یکم اپریل کو محتاط رہیںاور کسی بھی اطلاع پر اچانک آنکھیں بند کر اعتبار کرنے کی بجائے اس کی جانچ پڑتال کر لیں۔