کراچی(این این آئی) وزیراعظم عمران خان کے کراچی کے دورے کے دوران وزیراعلی سندھ مراد علی شاہ کو مکمل طورپر نظرانداز کیا گیا ہے۔ وزیراعظم عمران خان نے کراچی میں گورنر سندھ سے ملاقات کی، باغ ابن قاسم میں شجرکاری مہم کے تحت پودا لگایا، اس کے علاوہ کراچی پیکج کا اعلان کیا اور گھوٹکی میں جلسہ کیا لیکن وزیراعلی سندھ کسی بھی موقع پر نظر نہیں آئے۔ اس ضمن میںوزیراعلی کے مشیر برائے اطلاعات مرتضی وہاب نے بتایاکہ وزیراعظم کی جانب سے کراچی پیکیج کا بھی اعلان کیا گیا لیکن اس موقع پر وزیراعلیٰ سندھ مراد علی شاہ کو دعوت نہیں دی گئی۔