عمران خان نے ملک میں سکواش کو فعال کرنے کیلئے رہنمائی مانگی ہے:جان شیر خان
لاہور(سپورٹس رپورٹر+نمائندہ سپورٹس) عالمی چیمپئن اور فخر پاکستان جان شیر خان نے وزیر اعظم عمران خان کا شکریہ ادا کرتے ہوئے کہا ہے کہ عمران خان نے میری تجاویز کو اہمیت دیتے ہوئے ملک میں سکواش کو دوبارہ فعال کرنے کے لیے میری رہنمائی مانگی ہے۔ میرے تجربے کی روشنی میں سکواش کی ترقی کا واحد حل پاکستان بھر میں جونیئر لیول کے انٹر نیشنل ٹورنمنٹس اور پروفیشنل سینئر لیول کے زیادہ سے زیادہ 10سے 15ہزار ڈالر تک کے ٹورنمنٹس منعقد ہونے چاہیں جسکی وجہ سے پاکستانی کھلاڑیوں کا نہ صرف مورال بلند ہو گا بلکہ انکو اپنا کھیل بہتر بنانے اور پوائنٹس بہتر کرنے کے بھی کئی مواقع اپنے ملک میں دستیاب ہونگے۔جسکی وجہ سے انٹرنیشنل سطح پر ہمارے کھلاڑیوں کو بڑے بڑے ٹورنمنٹس کھیلنے اور ملک کا نام روشن کرنے کے موقع ملیں گے۔
