لاہور(سپورٹس رپورٹر+نمائندہ سپورٹس) پاکستان جوڈو فیڈریشن اسلام آباد جوڈو ایسوسی ایشن اور آرمی سپورٹس ڈائریکٹوریٹ کے اشتراک سے 26 ویں مینز اور 9 ویمن نیشنل جوڈو چیمپیئن شپ 30 اپریل سے 4 مئی تک اسلام آباد سپورٹس کمپلیکس میں منعقد ہوگی۔ پہلی بار مینز اور ویمن ٹیم ایونٹس کو شامل کیا جائے گا۔ چیمپیئن شپ میں ٹاپ 15 ٹیمز جن میں کے پی، پنجاب، سندھ، بلوچستان، اسلام آباد، فاٹا، گلگت بلتستان، اے جے کے، پاک آرمی، واپڈا، ریلویز، پولیس، نیوی اور ایچ ای سی شامل ہیں شرکت کرینگی۔