چوہنگ میں ساہیوال سے لائے جانے والے قتل کے ملزم کو اس کے ساتھی چھڑواکر فرار
لاہور (نامہ نگار)چوہنگ کے علاقہ میں فرانزک سائنس لیبارٹری میں ساہیوال سے لائے جانے والے قتل کے ملزم کو اس کے ساتھی پولیس حراست سے چھڑواکر فرار ہو گئے ہیں۔ قتل کے مقدمے میں ملوث ملزم علی اکبر کو ساہیوال پولیس کا سب انسپکٹر امتیاز فرانزک لیبارٹری میں مختلف ٹیسٹ کرانے کے لئے لارہا تھاکہ چوہنگ کے علاقہ میں ملزم علی اکبر کے مسلح ساتھیوں نے پولیس پرحملہ کرکے اسے چھڑوا لیااور فرار ہو گئے ہیں ۔ ملزم اکبر علی ساہیوال کے تھانے نور شاہ میں قتل کے مقدمہ میں ملوث ہونے پر گرفتار تھا ۔
