لاہور(سپورٹس رپورٹر+نمائندہ سپورٹس) پنجاب گیمز میں کبڈی کا فائنل فیصل آباد ڈویژن نے جیت لیا، فیصل آباد ڈویژن نے سرگودھا ڈویژن کو 41-18سے ہرادیا،بیڈ منٹن مینزڈبلزکا فائنل راولپنڈی نے جیت لیا، فائنل میں راولپنڈی کے یوعاکف اور مطیب سہیل نے لاہور کے گوہر اعظم اور احمر جلال کو شکست دیدی۔ لاہور کی فائقہ ریاض100میٹرریس میں تیزترین اتھلیٹ قرار پائیں۔بہاولپور اور فیصل آباد ٹیمیں ہاکی کے فائنل میں پہنچ گئی ہیں۔ویٹ لفٹنگ 73کلوگرام کیٹیگری میں گوجرانوالہ کے اذان علی ، 89کلوگرام میں لاہور کے عبدالرحمٰن نے پہلی پوزیشن حاصل کی۔بیڈمنٹن گرلز ڈبلز میں لاہور نے پہلی پوزیشن حاصل کی۔سنگل ماڈرن پینٹاتھلون کے رائونڈ ون کے میں لاہور کے شکیل احمد ،رائونڈ ٹو میں فیصل آباد کے عمیر سلیم ،رائونڈ تھری میں بہاولپور کے شہباز، رائونڈ فور میں لاہور کے محسن سردار نے پہلی پوزیشن حاصل کی۔ٹیبل ٹینس سنگل فائنل لاہور کی پرنیا نے جیت لیا‘ ڈبلز میں لاہورکی پرنیا اور کلثوم نے ٹائٹل جیت لیا۔