راولپنڈی (نوائے وقت رپورٹ) آرمی چیف جنرل قمر جاوید باجوہ سے امریکی کارنل یونیورسٹی کے طلباء نے جی ایچ کیو میں ملاقات کی۔ اس موقع پر گفتگو کرتے ہوئے آرمی چیف نے کہا نوجوانوں کا ہر شعبے میں اہم کردار ہے۔ وہ مستقبل کی قیادت ہیں۔ دہشت گردوں کیخلاف جنگ میں کامیابی کا سہرا بھی جونیئر قیادت کے سر ہے۔ جونیئر قیادت نے قوم کا حصہ ہوتے ہوئے ملکی ترقی میں اہم کردار ادا کیا۔ یونیورسٹی کے طلباء نے آرمی چیف کا شکریہ ادا کیا اور کہا یہ حقیقت ساتھ لیکر جا رہے ہیں کہ پاکستان ایک پرامن اور خوبصورت ملک ہے۔