اسلام آباد (صباح نیوز) ضلع راجوری میں کنٹرول لائن پر بھارت اور پاکستان کی افواج کے درمیان ہونے والے فائرنگ کے تبادلے میں ہفتہ کو میاں بیوی زخمی ہوگئے۔ واقعہ راجوری کے کلال علاقے میں نوشیرا سیکٹر میں پیش آیا۔اطلاعات کے مطابق فائرنگ کا تبادلہ دوران شب ہوا جس کے دوران ایک شیل کلال علاقے میں ایک رہائشی مکان سے جاٹکرایا جس کے نتیجے میں میاں بیوی زخمی ہوگئے۔شناخت سنجیوئو کمار اورریتا کماری کے طور ہوئی ہے اور دونوں کو نوشیرا ہسپتال میں داخل کیا گیا ہے حالت خطرے سے باہر بتائی جارہی ہے۔