پیرس (این این آئی )فرانس میں پیپرز قطر کے نام سے سامنے آنے والی ایک کتاب میں قطر کی ایک غیر سرکاری تنظیم چیئریٹی قطر کے کھاتوں کی تفصیلات سے متعلق دستاویزات کا انکشاف کیا گیا ہے۔ کتاب کے مصنفین چیسناٹ کرسچئین اور مالبرنوٹ ہیں۔ اس ادارے کی مرکزی مشن یورپ میں مسلم کمیونٹیز کی مدد کرنا ہے۔میڈیارپورٹس کے مطابق کتاب میں قطری تنظیم کیو سی کی اْن مالی رقوم کے بارے میں ناقابل تردید ثبوت پیش کیے گئے ہیں۔ جو یورپ بالخصوص فرانس، اٹلی، بیلجیم، جرمنی، سوئٹزرلینڈ، ناروے اور سربیا وغیرہ میں متعدد مساجد، ثقافتی پروگراموں اور مذہبی سوسائٹیوں کو بھیجی جاتی ہے۔