لاہور(سپورٹس رپورٹر+نمائندہ سپورٹس)انٹر ڈیپارٹمنٹل باسکٹ بال چیمپئن شپ کا آغاز کل سے اسلام آباد میں ہو گا جس کے افتتاحی میچ میں دفاعی چیمپئن آرمی اور پولیس کی ٹیمیں مد مقابل ہونگی۔ آرگنائزنگ سیکرٹری اوج ظہور کے مطابق شریک سات ٹیموں کو دو پولز میں تقسیم کیا گیا ہے ۔ پول اے میں آرمی ، پی او ایف واہ اور پولیس جبکہ پول بی میں واپڈا ، ائیر فورس، ریلویزاور نیوی کی ٹیمیں شامل ہیں۔ کامیاب انعقاد کیلئے تمام انتظامات مکمل کر لئے ہیں۔ سیمی فائنل 13اپریل اور فائنل 14اپریل کو کھیلا جائیگا۔ انٹر ڈویژنل باسکٹ بال چیمپئن شپ گریڈ بی بھی کل سے 14اپریل تک کھیلی جائیگی۔ شریک ٹیموں میں پول اے میں اسلام آباد، کوہاٹ ، سرگودھا، مردان ، پول بی میں کراچی ، راولپنڈی ، فاٹا اور میر پور خاص شامل ہیں۔ پہلے روز کوہاٹ اور سرگودھا،کراچی اور میر پور خاص، اسلام آباد اور مردان ، راولپنڈی اور فاٹا کی ٹیمیں مد مقابل ہونگی۔ فائنل 14 اپریل کو ہوگا۔