غزہ :فلسطینی شہریوں کے مظاہرے،اسرائیلی فورسز کی فائرنگ،ایک بچہ شہید،15زخمی
غزہ سٹی (اے پی پی+نوائے وقت رپورٹ)اسرائیلی فوج نے غزہ پٹی پرفلسطینی مظاہرین پر فائرنگ کی جس سے ایک فلسطینی بچہ شہید جبکہ15 افراد زخمی ہوگئے۔اسرائیلی فورسز نے مظاہرین کومنتشر کرنے کیلئے آنسو گیس کی شیلنگ اور فائرنگ کی گئی۔علاوہ ازیں اسرائیلی جیلوں میں بند فلسطینی قیدیوں کی غیر معینہ مدت کی بھوک ہڑتال چوتھے روز میں داخل ہوگئی اور مزید ایک ہزار دیگر فلسطینی قیدیوں نے بھی بھوک ہڑتال میں شامل ہونے کا اعلان کردیا۔
