لاہور(نمائندہ سپورٹس +سپورٹس رپورٹر) خیبر پی کے نے بلوچستان کو شکست دے کر پاکستان کرکٹ کپ جیت لیا ۔ خیبر پی کے نے ٹاس جیت کے بلے بازی کا فیصلہ کیا اورعابد علی کی سنچری کی بدولت سات وکٹوں کے نقصان پر 307رنز بنائے ۔خیبر پی کے کپتان سلمان بٹ 2رنز بناکر آئوٹ ہوئے تو ٹیم دبائو کا شکار ہو گئی ۔ عابد علی اورمحمد سعد نے ذمہ داری کا مظاہرہ کرتے ہوئے سکور کو139رنز تک پہنچا دیا ۔ محمد سعد 51رنز بنا کر آئوٹ ہوئے ۔ عادل امین ایک ‘خوش دل شاہ دو ‘زوہیب خان 27‘عدنان اکمل 14رنز بناکر آئوٹ ہوئے ۔ وہاب ریاض بائیس اور سہیل خان 45رنز بناکر ناٹ آئوٹ رہے ۔علی عمران نے تین ‘حارث رئوف نے دو ‘عمر خان اور عماد بٹ نے ایک ایک کھلاڑی کو آئوٹ کیا ۔بلوچستان کی ٹیم 9وکٹوں پر 298رنز بناسکی ۔ اویس ضیا ء 83‘ذیشان اشرف سولہ ‘کپتان اسد شفیق 48‘عمر اکمل 23‘فواد عالم 48‘علی عمران ستائیس‘بسم اللہ خان بیس‘ عماد بٹ گیارہ ‘حارث رئوف آٹھ رنز بناکر آئوٹ ہوئے۔ عمر خان اور محمد عرفان ایک ایک رن پر ناٹ آئوٹ رہے۔ سہیل خان نے تین ‘عمید آصف نے دو ‘محمد عرفان ‘ وہاب ریاض اور زوہیب خان نے ایک ایک کھلاڑی کو آئوٹ کیا ۔ سہیل خان کو میچ کا بہترین کھلاڑی قرار دیا گیا۔