پاکستان ٹیم کرکٹ ورلڈ کپ میں مہم کاآغاز رینکنگ میں چھٹے نمبر سے کریگی
لاہور(نمائندہ سپورٹس) ورلڈ کپ کی میزبان انگلش ٹیم ون ڈے رینکنگ میں پہلے نمبر پر براجمان ہے۔ پاکستانی ٹیم مہم کا آغاز چھٹے نمبر سے کرے گی۔ دفاعی چیمپئن آسٹریلوی ٹیم کی پانچویں پوزیشن ہے۔انگلینڈ پانچویں بار میگا ایونٹ کی میزبانی کیلئے تیار ہے۔ بارہویں عالمی کپ سے پہلے ون ڈے رینکنگ میں انگلش ٹیم کا پہلا نمبر ہے۔پاکستان ٹیم درجہ بندی میں چھٹی پوزیشن سے عالمی کپ کی مہم کا آغاز کرے گی۔دفاعی چیمپئن آسٹریلیا پانچویں نمبر پر براجمان ہے۔ بھارت دوسرے درجے کی ٹیم ہے۔ نیوزی لینڈ اور جنوبی افریقہ کی بالترتیب تیسری اور چوتھی پوزیشن ہے۔ افغان ٹیم دسویں نمبر پر ہے۔
