لاہور (نمائندہ سپورٹس)دو روزہ گالف ماسٹرز چیمپئن شپ کا آغاز ہو گیا ‘ فاتح ترکی میں عالمی گالفرز سے مقابلہ کرے گا۔گالف ماسٹرز چیمپئن شپ کے ابتدائی روز رائل پام اینڈ کنٹری گالف کورس میں 50 سے زائد گالفرز نے شرکت کی۔دوسرا راونڈ اسلام آباد اور پھر کراچی میں کھیلا جائے گا۔ تینوں کے ایونٹس کے فاتح کھلاڑیوں کو اکتوبر میں ترکی کے شہر انتالیہ میں عالمی گالفرز کیساتھ میدان میں اتارا جائے گا۔ منتظمین کا کہنا تھا کہ پاکستان میں گالف کا کھیل کرکٹ اور ہاکی کے مقابلے میں کم مقبول ہے مگر ٹیلنٹ کے نکھار کیلئے ضروری ہے کہ انھیں سپورٹ کریں۔