مانسہرہ (اے پی پی) شنکیاری کے کشمیری بازار میں خوفناک آتشزدگی کے نتیجہ میں 8 دکانیں جل کر خاکستر ہو گئیں، دکانوں میں موجود لاکھوں روپے مالیت کا سامان مکمل طور پر تباہ ہو گیا، آگ لگنے کی وجہ معلوم نہیں ہو سکی، مقامی افراد اور فائر بریگیڈ عملہ نے موقع پر پہنچ کر آگ پر قابو پایا۔ خوانزادہ مسجد کے قریب دبئی شاپنگ سنٹر میں اچانک آگ بھڑک اٹھی، لاکھوں روپے کا کپڑا، ہوزری اور دیگر سامان جل کر راکھ ہو گیا۔ مقامی افراد نے موقع پر پہنچ کر اپنی مدد آپ کے تحت آگ پر قابو پانے کی کوشش کی تاہم بعد ازاں فائر بریگیڈ بھی موقع پر پہنچ گئی اور آگ پر قابو پایا۔