لاہور(سپورٹس رپورٹر) پاک فوج سے یکجہتی کیلئے فیم کپ کے چوتھے روز مغلپورہ یونائیٹڈ نے مجاہد ایف سی کو ایک صفر سے شکست دیکر اگلے مرحلے میں رسائی حاصل کی۔ میچ کا واحد گول احمد نے 57 ویں منٹ میں کیا۔ میاں میر ایف سی نے عثمانیہ کلب کو ایک کے مقابلے دو گول سے شکست دی۔ عثمان نے 18 ویں منٹ میں گول کرکے عثمانیہ کو برتری دلائی لیکن میاں میر کی جانب سے امجد اور راحیل نے دوسرے ہاف میں دو گول کرکے اپنی ٹیم کو اگلے مرحلے میں رسائی دلائی۔