لاہور(سپورٹس رپورٹر)کارپوریٹ سیکٹر کی ٹیموں کے درمیان کھیلے گئے پروفیسر مختار احمد بٹ میموریل کرکٹ ٹورنامنٹ کا ٹائٹل ڈیسکون نے اپنے نام کر لیا، ڈیسکون کی ٹیم نے پہلے کھیلتے ہوئے 184رنز بنائے۔ محمد مبشر نے 93رنز کی شاندار اننگز کھیلی۔ نیٹسول کے جنید جمشید نے دو کھلاڑیوں کو آئوٹ کیا۔ ہدف کے تعاقب میں نیٹسول کی پوری ٹیم101رنز پر پویلین واپس لوٹ گئی۔ ڈیسکون کے کپتان فہیم بٹ نے چار کھلاڑیوں کو آئوٹ کیا۔ بہترین بلے بازی پر محمد مبشر کو میچ کابہترین کھلاڑی قرار دیا گیا۔ کھلاڑیوں، آفیشلز ، فاتح اور رنر اپ ٹیم میں انعامات تقسیم کیے گئے۔