لاہور (نوائے وقت رپورٹ) پیپلزپارٹی رہنما خورشید شاہ نے سردار ایاز صادق کے ہمراہ میڈیا سے گفتگو کرتے کہا ہے کہ ملک کی معیشت کا حال سب کے سامنے ہے۔ جب ہم آواز اٹھاتے تھے تو کہا جاتا تھا نیب کی کارروائیوں کی وجہ سے بولتے ہیں اب اپوزیشن نہیں عالمی ادارے بھی بولے اٹھے ہیں۔ ہم نے زرعی پیداوار 9 فیصد پر چھوڑی آج 1.4 فیصد ہے ان کو اچھی معیشت ملی۔ انہوں نے تباہ کردی ہم نے تمام صورتحال خراب کی تو کیا اب دودھ اور شہد کی نہریں بہہ رہی ہیں جو تجربے ماضی میں ہوتے رہے اس سے پاکستان کا ایک حصہ کھو دیا۔ نیب اور حکومت مل کر کھیل رہے ہیں۔ حکومت جان بوجھ کر نیب پر تنقید کرتی ہے آمروں کی زبان بولنے والے سیاستدان آگئے ہیں۔