لاہور(سپورٹس رپورٹر+نمائندہ سپورٹس) پہلی چیف منسٹر گولڈ کپ ویمن پاور لیفٹنگ چیمپئن شپ واپڈا نے جیت لی۔ چیمپئن شپ میں واپڈا نے چھ گولڈ اپنے نام کیے۔ ریلوے کی دو گولڈ میڈلز کے ساتھ دوسری پوزیشن حاصل کی۔ رابعہ رزاق بہترین پاور لفٹر قرار پائیں۔ رابعہ رزاق نے 75 کلوگرام کیٹیگری میں 150 کلو ڈیڈ ویٹ اٹھا کر نیا قومی ریکارڈ قائم کیا۔ قومی ویٹ لفٹر نیلم ریاض اور سنیہ غفور نے بھی قومی ریکارڈ بناتے ہوئے گولڈ میڈل اپنے نام کیے۔