لاہور(سپورٹس رپورٹر+نمائندہ سپورٹس) پاکستان والی بال فیڈریشن کے زیر اہتمام نیشنل انڈور والی بال چیمپئن شپ 2019ء کے دوسرے روز ریلویز، پولیس، پاکستان اورڈینس فیکٹری، دفاعی چیمپئن واپڈا، نیوی اور آرمی کی ٹیموں نے میچز جیت لئے ۔ ریلویز اور گلگت بلتستان کی ٹیموں کے درمیان میچ میں ریلویز ٹیم نے تین صفر سے کامیابی اپنے نام کی۔پولیس ٹیم نے فاٹا کو تین صفر سے ہرا دیا۔پی او ایف اور پنجاب کی ٹیموں کے درمیان کھیلا گیا میچ پی او ایف نے تین صفر جیت لیا۔ دفاعی چیمپئن واپڈانے آزاد جموں اینڈ کشمیر کو تین صفر سے ہراکر مسلسل دوسری کامیابی اپنے نام کی۔ نیوی نے ایچ ای سی کو تین صفر سے زیر کیا۔ آرمی نے بلوچستان کیخلاف کامیابی سمیٹی۔