لاہور(نمائندہ سپورٹس+سپورٹس رپو رٹر) قومی انڈر19 کرکٹ ٹیم کے کپتان روحیل نذیر کے کوچ معید شیخ کا کہنا ہے کہ روحیل نذیر کا جونیئر ٹیم کا کپتان مقرر ہونا ڈائمنڈ کرکٹ کلب اور ڈائمنڈ اکیڈمی کے لیے باعث فخر ہے۔ روحیل کی اندر اندر نائینٹین ٹیم میں شمولیت اور بحثیت کپتان تقرری سے ہمارے کلب اور اسلام آباد کے نوجوان کرکٹرز کو تحریک ملے گی۔ کسی بھی کلب کے نوجوان کرکٹر کا پاکستان کی طرف سے کھیلنا ساتھی پلیئرز کے اعتماد میں اضافہ کرتا ہے۔ اس طرح ساتھی کرکٹرز میں آگے بڑھنے کا حوصلہ اور بہتر کرکٹ کھیلنے کا شوق پیدا ہوتا ہے۔