لاہور( سپورٹس رپورٹر+نمائندہ سپورٹس) پاکستان ہاکی فیڈریشن کے زیر اہتمام گوجرہ ہاکی سٹیڈیم میں پاکستان ہاکی ڈویلپمنٹ لیگ 2019 کے دوسرے دن تین لیگ میچ کھیلے گئے۔ بشیر رائیڈرز نے گوہر ٹائیگرز کو دو کے مقابلے میں تین گول سے ہرادیا۔ میچ کے مہمان خصوصی پاکستان مسلم لیگ کے ایم پی اے حاجی عبدالقدیر اعوان تھے انکے ہمراہ اسسٹنٹ کمشنر شیریار عارف خان‘فیسکو کے ایکسیئن سید اسد علی تھے۔مہمان خصوصی نے مین آف دی میچ کو دس ہزار کیش پرائز دیا۔ رفیق واریئرز نے البارق لائنز کو ایک کے مقابلے میں چار گول سے ہرادیا۔رفیق واریئرز کی جانب سجاول‘فرحان‘اسد اور شاہزیب نے ایک ایک گول کیا۔البارق لائنز کا واحد گول حسن علی نے کیا۔ پی ایم اے ڈریگن نے بشیر رائیڈرز کو ایک صفر سے ہرا دیا۔ واحد گول عمار نبی نے کیا۔مہمان خصوصی چوہدری خالد بشیر نے مین آف دی میچ کو دس ہزار کیش پرائز دیا۔