لاہور(سپورٹس رپورٹر+نمائندہ سپورٹس) پاکستان ویمنز کرکٹ ٹیم کی سدرہ امین کا کہنا ہے کہ دورہ جنوبی افریقہ میں کامیابی کے لیے بہت پر امید ہیں، کیمپ میں بھرپور محنت کررہے ہیں، پاور ہٹنگ کو بہتر بنانے کی کوشش کی جاری ہے۔نیشنل سٹیڈیم کراچی میں میڈیا سے بات کرتے ہوئے ویمن کرکٹر سدرہ امین کا کہنا تھا کہ تمام تر توجہ آئی سی سی ویمن چمپئین شپ پر ہے، فاسٹ بولر ڈایانا بیگ کا ان فٹ ہونا بدقسمتی ہے، امید ہیکہ فاطمہ ثنا ان کا خلا پر کرنے میں کامیاب ہوں گی۔سدرا امین کا مزید کہنا تھا کہ بیٹنگ کوچ تبدیلی سے کوئی فرق نہیں پڑے گا، ویسٹ انڈیز کے خلاف ہوم سیریز میں کامیابی سے ہمارے حوصلے بلند ہوئے ہیں، جنوبی افریقہ کی مشکل کنڈیشن سے جلد ہم آہنگ ہوجائیں گے، ذاتی طور پراپنی کارکردگی کو مزید بہتر کرنے کی کوشش کر رہی ہوں۔